logo

Acılıq – 2017. Qırım müsülmanları içün kirsetilgen deñişmeler ( Kırım Tatar Türkçesi )

hac

Acılıq – 2017. Qırım müsülmanları içün kirsetilgen deñişmeler

Qırımda Acılıqqa baracaq müsülmanlarnıñ vesiqaları qabul etilip başladı. Bu sene Qırım müsülmanları Diniy İdaresi dindaşlar içün bazı deñişmeler kirsetti. Bunıñ sebebi ve incelikleri, acılıq seferiniñ fiyatı aqqında Qırım Müftisi hacı Emirali Ablayev ikâye etti.

Qırımda Acılıq mevsimine azırlıq başlandı. Qırım müsülmanlarını nasıl deñişmeler bekley?

Bu yıl Qırım müsülmanları Diniy İdaresi bütün tedarik işlerini öz boynuna ala. Bunı servisniñ keyfiyetini yükseltmek, naqliye meselelerini qolaylıqnen çezmek, adamlarnı güzel musafirhanelerde yerleştirmek, alışqan yemeklernen sıylamaq içün yaptıq.

Acılıqqa baracaq müsülmanlar Qırım Müftiyatı qaysı turistik operatorınen çalışacağını ögrenmek isteyler?

Şeriklerimiz ile olğan işbirlik bağını üzmedik, amma, dindaşlarımıznıñ ricaları ve tecribelerini közge alıp, bu sene Acılıqnen bağlı bütün azırlıqlarnı özümiz alıp barmağa qarar aldıq.

 Bugünki künge nasıl işler yapıldı?

Diniy İdareniñ Acılıqnen bağlı işi Cumhuriyet reberleriniñ nezareti altında buluna. Bütün meseleler keçken sene mart ayında Moskva şeerinden muzakere etilgen edi. Tur-operator işini başladı, fiyatlar belgilendi, müsülmanlar ile körüşüvler ötkerilecek yer de belgilendi (Çehov soq., 20), acılıq programmasınıñ kerçekleşüv basamaqları işlep çıqarıldı.




 Qaysı meseleler daa çezilmey qaldı?

Birinci vazifemiz –pasportlarnı azırlav ve aşılamadan keçüv meselelerde akimiyetnen añlaşmaq. Bundan da ğayrı, Qırım Cumhuriyeti sağlıq saqlav nazirliginen añlaşma tizip, acılarnen beraber yolğa çıqacaq yüksek ihtisaslı ekimlerni celp etmek isteymiz.

Acılıq seferiniñ fiyatı ve müsülmanlarnıñ Saudiya Arabistanğa baracaq marşrutı nasıl olacaq?

Fiyatlar aqqında malümatnı Müftiyatnıñ saytında tapa bilesiñiz. Fiyatlar kösterilgen hızmetlerge bağlı. Müsülmanlar başta bir Mineralnıye Vodı, Krasnodar ya da Moskvadan Dubaige ketecekler, soñra avtobuslarğa minip, Mekkege yol alacaqlar.

Acılıqqa baracaq müsülmanlar nasıl imtiyazlarnen qullana bilecekler?

Qırım ve ondan tış yani Rusiye Federatsiyasınıñ başqa yerlerinde yaşağan dindaşlarımız yarımadada çalışqan turistik operatornıñ hızmetlerinen qullana bilecekler. Bunıñnen beraber, Rusiye Federatsiyasında yaşamağa izni olğan arqadaşlar da vesiqalarnı ketire bileler. Biz bu imkân aqqında añlaştıq. Acılıqqa vesiqalarnı qabul etemiz. Vatandaşlarnı bekleymiz. Müftiyat bütün kerekli vesiqalarnı azırlamağa yardım etecek. Vatandaşlarımız maddiy imkânlarına köre, tur-paketlerni saylay bileler. Fiyatlar uyğun dep, qayd ete bilemiz.

Muqaddes yolculıqqa azırlıqnıñ esas kriteriyleri nasıl?

Qırım ve Sevastopol müsülmanları Diniy İdaresi bütün azırlıqlarnı eki– keyfiyet ve havfsızlıq kriteriylerine tayanıp alıp bara!

QMDİ MDT matbuat hızmeti

Etiketler: » » » »
Share

Yorum yapabilmek için Giriş yapın.