logo

Cuma cami qurulıvınıñ suratı yavaşlanmadan devam ete (FOTO)

cuma camii

Cuma cami qurulıvınıñ suratı yavaşlanmadan devam ete (FOTO)

RF DD deputatı Aqmescitte Cuma Caminiñ qurucılıq meydançığını ziyaret etti. RF DD deputatı Ruslan Balbek cami binasınıñ qurucılıq ketişatınen tanış oldı. Şimdiki vaqıtta caminiñ qubbeleri tiklenile. Qurucılar qubbeler nasıl etip yapılğanını: karkas, üstü ve tiklenüvini añlattılar. Leyiha boyunca cami binasınıñ üstünde bir büyük, dört orta kölemde, 24 ufaq ve daa 24 caminiñ azbarında tiklenilecek. R. Balbek qurucılarğa muvafaqiyetler tiledi, cami vaqtında qurulacağına ümüt besledi.

Deputat öz teessüratlarını Facebook-taki saifesinde tasvirledi: “Parlaq Qırım kökü altında sabırsızlıqnen beklenilgen Cuma Caminiñ binası tiklenile. Qubbeleri endi tiklenilmekte, şu muqaddes yerniñ müiti is etilmekte. Cuma Cami qurulğan meydançıqnı ziyaret eter ekenim, er daim ğurur duyam, bizler baba-dedelerimizniñ arzusını yerine ketiremiz.   Menimce, Qırım müsülmanları içün bu cami – Qırımnıñ göñlü, irfan merkezidir” ,  – dep yazdı R. Balbek. Hatırlatamız, Aqmescitteki Cuma Cami 2019 s. aprel ayına qadar qurulıp bitmek kerek.

QMDİ MDT matbuat hızmeti

Cuma cami qurulıvınıñ suratı yavaşlanmadan devam ete (FOTO)

 

 




Etiketler: » » » » » »
Share

Yorum yapabilmek için Giriş yapın.