logo

Kezlevde Noman Çelebicihannı añdılar

Kezlev_Chelebicihan-9

Kezlevde Noman Çelebicihannı añdılar

Kezlev şeerinde, İnternatsionalnaya, 13 adresi boyunca, milliy qaraman, Qırımtatar milliy ükümetiniñ Başı, Qırımnıñ ilk Müftisi Noman Çelebicihannıñ hatıra tahtaçığı yerleştirilgen bina yanında tedbir keirildi.  Endi ananege çevirilgen bu tedbirde, Kezlev şeer Şurasınıñ deputatı Eldar İbragimov, medeniyet ve milletlerara munasebetler boyunca İdareniñ yolbaşçısı Yuliana Korâkina, Kezlev ve Saq regionınıñ baş imamı Eskender Memetov, bundan ğayrı, din, cemaat teşkilâtlarınıñ ve milliy-medeniyet bağımsız müessiseleriniñ vekilleri iştirak etti.

 İmam Eskender Memetov dua oqup, Qırım Müftisi hacı Emirali Ablayev adından, qaramannıñ hatırasını daima añğanları içün teşekkür sözlerini bildirdi.

Eskender Memetov: “Noman Çelebicihan yüreklerimizde ebediyen qalacaqtır. Onıñ eñ esas ülviy vazifesi aqqında unutmamalımız. Birlikke ıntılmaq ğayesini devam etmelimiz”, dep ayttı.

Tedbirde şeer mektepleriniñ talebeleri çıqışta bulunıp, N.Çelebicihannıñ şiiriy eserlerini oqudılar.

Bu sene – milliy qaramannıñ facialı sürette elâk olğanına 101 yıl toldı.  Noman Çelebicihan, Qırım,  Litvaniya, Poloniya, Aqrusiye musulmanlarınıñ birinci Müftisi vazifesini eda etti. Cemaat erbabı, publitsist, yazıcı ve şair olaraq, qırımtatarlarnıñ milliy gimniniñ esasında olğan “Ant etkenmen!” şiiriniñ müellifidir.

QMDİ MDT matbuat merkezi  (Kezlev ş. Memüriyeti matbuat merkeziniñ malümatına esaslanıp)

 




 

Etiketler: » »
Share

Yorum yapabilmek için Giriş yapın.

Yandex.Metrica