logo

Qırım Müftisi Cuma Cami qurucılarını zenaat bayramınen hayırladı (FOTO)

 

proje inşaat

Qırım Müftisi Cuma Cami qurucılarını zenaat bayramınen hayırladı (FOTO)

25 Ağustos 2017

Qırım Müftisi hacı Emirali Ablayev Aqmescitte Cuma Cami qurucılarını keleyatqan zenaat bayramınen hayırladı. Qırım müsülmanları Diniy İdaresi adından qurucılıq şirketiniñ reberleri, qurucılıqta iştirak etken şirketlerniñ hadimlerine sağlıq, amanlıq ve muvafaqiyetler tiledi.

Biz sizni sevemiz, ürmet etemiz ve qadriñizge yetemiz. Sizniñ işiñiz ne qadar qıyın ve omuzlarıñızğa tüşken mesüliet ne qadar büyük olğanını añlaymız. Cuma Camini qurıp bitirmek içün qolumızdan kelgenini yapmalımız. Allah küç-taqat bersin”, – dedi Müfti.

Qırım Müftisi qurucılıqnıñ ketişatınen  tanış oldı. Şimdiki vaqıtta cami binası qurulayata.

 “MoskapStroy” tehnikiy nezaret boyunca baş mütehassıs Viktor Tilik bildirgeni kibi, bugünki künde qubbeler tirilecek divar, şahta ve kolonnalar boyunca iş alıp barıla. Bundan da ğayrı, memuriyet binasından temizleyici inşaatlarına qadar kanalizatsion boruları yerleştirile. Memuriyet binasınıñ birinci qatında divarlar qurula ve başqa işler yapıla.

Qurucılıqta 132 adam iştirak ete. Ve bu cümleden, eki kran, gidromolot, ekskavatorlar ve üç samosval çalışa”, – dedi V. Tilik.

Eñ yaqın vaqıtta qubeller: biri büyük, dört dane orta kölemde, 28 kiçik ve daa 24 qubbe caminiñ azbarında tiklenecek. Cuma caminiñ inşaatı iş cedveline köre alıp barıla.

QMDİ MDT matbuat hızmeti

 

 

Qırım Müftisi Cuma Cami qurucılarını zenaat bayramınen hayırladı (FOTO)

 

 




 

Etiketler: » » » » » » » »
Share

Yorum yapabilmek için Giriş yapın.