logo

Qırımda İsmail Gasprinskiyniñ 166 yıllığını qayd ettiler (Kırım Tatar Türkçesi)

gaspralı (Copy)

Qırımda İsmail Gasprinskiyniñ 166 yıllığını qayd ettiler (FOTO)

Qırım Muftiyatı vekilleri Aqmescitte İsmail Gasprinskiy adına abidege çiçek qoyuv merasiminde iştirak ettiler.

Maarifçi, siyasetçi, naşirnıñ 166 yıllığına bağışlanğan merasim Qırım cumhuriyetinde sürgünlikke oğratılğan grajdanlarınıñ işleri ve milletlerara munasebetleri boyunca Devlet Komiteti tarafından azırlanğan tedbirler planı çerçivesinde ötkerildi. Çiçekler qoyulmazdan evel, Aqmescit rayonı imamı Raim Gafarov dua oqudı. Şu merasimde yerli ükümet vekilleri, medeniyet, tasil, cemaat teşkilâtları azaları iştirak ettiler. Raim Gafarovnıñ fikirince, İsmail Gasprinskiyniñ ğayeleri ale bugün aktualligini coymadılar.





“Gasprinkiy yazğanı kibi, halq ağır al-vaziyette olğanınıñ esas sebebi tüşünce olaraq artta qalması, cailliktir, bu vazitni deñiştirmek içün bilginen silâlanmaq kerek,” - dedi Raim Gafarov.

Belli olğanı kibi, bu kibi tedbirler Qırımnıñ er rayonında ötkerilecekler.

QMDİ MDT matbuat hızmeti

Qırımda İsmail Gasprinskiyniñ 166 yıllığını qayd ettiler (FOTO)

http://qmdi.org/index.php/en/en/haberler/3177-q-r-mda-ismail-gasprinskiyni-166-y-ll-n-qayd-ettiler-foto

Etiketler: » » » » » » » » »
Share

Yorum yapabilmek için Giriş yapın.